Read on Twitter
شو احتمال انو ٣ أشخاص من نفس العيلة يتشاركوا نفس عيد الميلاد؟ بعملية حسابية مجرّدة من أي عوامل تانية مؤثرة باحتمال حصول هيك حدث, بيطلع ٣٦٥^٣ يعني حوالي ٤٩ مليون وهالشي بيعني انو الحدث الكتير مستغرب للوهلة الأولى بصير متوقع وحتمي الوجود اذا أخدنا بالإعتبار عدد العائلات بالعالم https://twitter.com/ka_ram_hi_ba/status/1385365142880333824">https://twitter.com/ka_ram_hi...
عوامل مؤثرة تانية متل شو؟ ممكن وحدة من الولادات ما تكون طبيعية وممكن توقيت المعاشرة الجنسية يكون بنهار بيعني شي للأهل وهيدا يلي تبين بحالة هبة انو عيد والدتها ب٢٨ تموز يعني قبل ٩ شهور تقريبا من ٢٣ نيسان
https://abs.twimg.com/emoji/v2/... draggable="false" alt="😄" title="Lächelndes Gesicht mit geöffnetem Mund und lächelnden Augen" aria-label="Emoji: Lächelndes Gesicht mit geöffnetem Mund und lächelnden Augen"> وكتير عوامل اخرى ممكن ما ننتبهلها
الصدف بحياتنا بتصير كتير ودماغ الإنسان تطور بطريقة شكلت حالة اسمها الApophenia وهي الإستسقاط اي الميل لربط اشيا او احداث ما الها علاقة ببعض بهدف اعطاءها معنى جديد متل لما نحس انو عم نسمع اسمنا او رنة التلفون لما يكون رشاش المي مفتوح وأشهر أنواع الApophenia هي الpareidolia
وأهم مثال هو لما نشوف وجوه بإشيا او أشكال انوجدت صدفة...او لما نشوف أشكال وأجسام بالغيوم..هيدي الحالة التطورية سببها هو ضرورة استشعار الإنسان للخطر، يعني اذا كان في غموض بحقيقة يلي عم نشوفه هو بس خيال او جسم بشكل خطر، الأفضل ناخد الحذر ونعتبره بشكّل خطر لنضمن سلامتنا
منرجع للإحتمالات ، feature الshuffle بالItunes بسبب عدد مستخدميه الكبير، ظهرت شكاوى انو الshuffling مش عشوائي كفاية لأن عم يظهر أغاني لنفس الفنان او الموضوع ورا بعض،وهالشي دفع Apple ليعملوا smart shuffle بطريقة ما يتكرر هالشي وقال Steve Jobs:عملناها أقل عشوائية لتبين أكتر عشوائية
مثال آخر عن الصدف هو انو الأرقام بسرعة الضو هي ذاتها ارقام خط العرض بهرم خوفو..للوهلة الأولى ببين الإحتمال كتير ضئيل بس لما نكون عم نحط الفاصلة محل ما بدنا ولما نعرف انو آخر ٤ أرقام حطيناهن بخط العرض عذوقنا لنطابقن لأن بتفرق بس أمتار قليلة بعد رابع فاصلة، ما بتعود كتير غريبة
هوني في شي بيلعب دور كبير هو الselection bias (تحيز انتقائي) و confirmation bias(تحيّز تأكيدي) بمعنى اذا بدنا شغلتين يتطابقوا، عقلنا بفتش على أدلة بتدعم يلي منآمن فيه وبيحاول يخفي او ما يعير انتباه للأدلة يلي بتنقضه..مارشيل ماكلوين بيقول ببساطة: لم أكن لأرى ما لم أكن أؤمن به اصلا
بهيدا الكتاب الرائع بيحكي الكاتب عن شي اسمو The probability lever (رافعة الإحتمال)، بمعنى الشي يلي ببين كتير نادر بالمعدل مع احتساب جميع السيناريوهات، ممكن يصير ندرته اقل بكتير ببعض السيناريوهات والعوامل وقصة والتر سمرفورد مثال! انو تصيبك صاعقة( برق) حو حدث نادر جدا بس هيدا الشخص
صابته صاعقة ٣ مرات بحياته وما مات!وبعد موته ب٤ سنين في صاعقة ضربت قبرهhttps://abs.twimg.com/emoji/v2/... draggable="false" alt="😂" title="Gesicht mit Freudentränen" aria-label="Emoji: Gesicht mit Freudentränen"> صحيح الإحتمال ضئيل بس لشخص كان يضل يلعب رياضة برا حتى بايام العواصف بتصير الإحتمالية اعلى بكتير حتى لو ضلّت ضئيلة..وقانون الأرقام الكبيرة كمان بيلعب دور، بكل ثانية في ٥٠ صاعقة بتضرب الأرض بوجود مليارات البشر
مع مئات بل آلاف السنين من التاريخ المسجل والموثق، ما بتعود مفاجأة أبدا انو نسمع بقصة متل سمرفورد، ونفس الفكرة بس باحتمالات مختلفة شوي بقصة هبة وأعياد الميلاد، وكمان نفس الفكرة لقصة أليكس ودونا مع ديزني لاند اذا مناخد أعداد الناس الكبيرة يلي بتزور ديزني وبتتصور كتير صور
أليكس ودونا ثنائي متزوج ولما كانت دونا عم تفتش بألبوم الصور شافت صورتها بديزني وقلها أليكس انو هو كمان سبق وزار ديزني ليتفاجأ انو هو موجود بخلفية صورة دونا، بالعرباية يلي عم يجرها بيو
كتير من الصدف والمقاربات والإعجاز بالمواضيع بتم تسليط الضو عليه عن قصد للتسلية او لأسباب عديدة بس الصدف والأمور غير الإعتيادية يلي بتصير وما بتم تغطيتها هي موجودة كتير لدرجة بتجعل حصول الأحداث غير الإعتيادية، اعتيادي جدا وفي عملية حسابية شهيرة معروفة ب Littlewood’s Law ومفادها
مع احتساب عدد ساعات يلي منكون واعيين فيا وبما انو الأحداث بتصير بثواني قليلة، اذا في حدث احتمال حصوله ١ بالمليون، فلازم تتوقع حدث يصير معك مرة كل ٣٥ يوم!! وكاتب الكتاب المذكور راح أبعد من هيك، وحسب انو بوجود ٧.٧ مليار شخص احتمال عدم حصول حدث نادر( ١/مليون) كل يوم بالعالم هو
هو ١ على ١٠ ووراها ٣ الاف و٤٠ صفر!!!!
عالم الرياضيات بيرسي دياكونيس عطى تعليق حلو كتير عالموضوع وقال: اليوم الحقيقي غير الإعتيادي هو اليوم يلي ما بصير فيه شي حدث غير اعتيادي
عالم الرياضيات بيرسي دياكونيس عطى تعليق حلو كتير عالموضوع وقال: اليوم الحقيقي غير الإعتيادي هو اليوم يلي ما بصير فيه شي حدث غير اعتيادي
