Read on Twitter
اشتغلت فترة في مجلة entertainment وجزء من شغلي كان تغطية وتصوير الـ nightlife. عالم ظريف وليه محبيه، بس أنا مش شبهه ولا هو شبهي وتقدر تميزني وسطه بكل سهولة.
كل مرة كنت بطلع فندق، الأمن والإدارة كانوا بيوقفوني ويتأكدوا من بطاقتي ويتصلوا يتأكدوا إني شغال في المجلة علشان أدخل...
كل مرة كنت بطلع فندق، الأمن والإدارة كانوا بيوقفوني ويتأكدوا من بطاقتي ويتصلوا يتأكدوا إني شغال في المجلة علشان أدخل...
كانت تجربة غير مريحة بالمرة، ويزيد عليها نظرات الإدارة اللي عوزاك تنجز وتروح لأنك مش شبه المكان وروحه، وفي كل خطوة حاسس بتقل عيونهم اللي بتستعجل رحيلي.
في حين إنهم حابين جدًا زملاء من أماكن تانية (وحتى مجلتي) لأنهم شبه المكان...
في حين إنهم حابين جدًا زملاء من أماكن تانية (وحتى مجلتي) لأنهم شبه المكان...
أنا لا ست ولا محجبة علشان أدرك تجاربهم وأبعادها، بس اللي عشته من تجربتي، إنك مرفوض لأن اللي بيدفع أكتر مش مبسوط بوجودك، بس عادي لو أنت داخل مع الشخص المناسب مفيش كلب هيفتح بقه.
فهي مش مشاكل مع الدين والأفكار، قد ما هي مشاكل سلطة ونفوذ وعدم احترام للمستهلك...
فهي مش مشاكل مع الدين والأفكار، قد ما هي مشاكل سلطة ونفوذ وعدم احترام للمستهلك...
في التسعينات، اللي كان معاه فلوس كان حابب يشوف نقاب وبرقع وشكل البلد اتغير علشانه، ودلوقتي اللي معاه فلوسه مش عاوز يشوفهم والبلد هتسمع الكلام برضو.
أعرف قرايب قضاة وقيادات كبيرة في البلد بتروح الأماكن اللي عليها خلاف دي ومحدش منهم بينطق بحرف
أعرف قرايب قضاة وقيادات كبيرة في البلد بتروح الأماكن اللي عليها خلاف دي ومحدش منهم بينطق بحرف
مدرك إن كل واحد منا موجوع من تجربة مريرة من الطرف التاني، وكل ما يحصل موقف الجرح بينزف تاني ونرجع نتهم بعض، بس المذنب الحقيقي هيفضل يدي السلطة التمييز للي يدفع أكتر.
النهاردة لبس، بكرا بلاش اللي سنهم كبير، وبعده امنعلي سكان مدن معينة... ومحدش هيقدر يمنعهم.
النهاردة لبس، بكرا بلاش اللي سنهم كبير، وبعده امنعلي سكان مدن معينة... ومحدش هيقدر يمنعهم.
احنا مش ملايكة، ومش منطقي كلنا نوافق بعض في القضايا اللي نؤمن بيها، بس فيه أرض مشتركة تقدر تساعنا كلنا وهي حقوقنا كمستهلكين.
إني مضطرش أندب على فيس بوك وأجيب ناس تزعق معايا لأن مفيش نظام قادر يحترمني ويجيبلي حقي لما أتظلم. ده اللي محتاجين نبدأ بيه لو عاوزين نوصل لحلول.
إني مضطرش أندب على فيس بوك وأجيب ناس تزعق معايا لأن مفيش نظام قادر يحترمني ويجيبلي حقي لما أتظلم. ده اللي محتاجين نبدأ بيه لو عاوزين نوصل لحلول.
