Read on Twitter
أنا أول مرة من فترة أرجع تويتر بأكونت عشان قفلت لعدة أسباب، كان فيه حاجة عايز أقولها بخصوص ال LGBT Community في مصر، كل كلامي موجه لأي حد لسة عنده تناقض بين ميوله والدين والعادات والتقاليد والبطيخ وبالذات الشباب الصغيرين اللي لسة بيكتشفوا ميولهم وبيتفشخوا في دماغهم
أولا البلد كلها مسلمين، معروفة، ومعظمنا شعب متدين بطبعه زي ما أحنا عارفين بيسرق وينهب ويقتل وياكل حرام بس بيلعن قوم لوط، المهم يعني أنت أول ما تكتشف ميولك أول مشكلة بتواجهك نفسك، صراعات جواك، هل تنتصر لميولك ورغباتك وإحساسك أو تنتصر لحكم دينك اللي بيعتبرك ملعون..
وكمان بيحلل قتلك، اللي أنا بتكلم عليه ده بيحصل من بعد ما تحس بميولك وتعرف حقيقتك وبعدها بتلف الدايرة دي، كل واحد بقى حسب دماغه وتفكيره واستيعابه للموضوع، بتختلف من ناس لناس، فيه ناس بتستوعب وتقتنع علطول وناس بتقعد تلف في الدايرة مدة وناس بتقعد طول عمرها لما تشيب عادي
مرة تاني كلامي ده موجه لأي حد بيعاني من كده عشان ميجيش واحد عدا المرحلة دي ويستتفه الكلام
لو كنت كده متهربش من التفكير في الموضوع، أنت دلوقتي عرفت إن ميولك كده، واجه نفسك وشوف إيه اللي تقدر تعمله، هتلاقي ولا حاجة، ميولك دي عمرك ما هتعرف تغيرها خلاص وكدا كدا هتحاول تشبع رغباتك
لو كنت كده متهربش من التفكير في الموضوع، أنت دلوقتي عرفت إن ميولك كده، واجه نفسك وشوف إيه اللي تقدر تعمله، هتلاقي ولا حاجة، ميولك دي عمرك ما هتعرف تغيرها خلاص وكدا كدا هتحاول تشبع رغباتك
كدا قدامك أوبشن وحيد عشان تستريح أو هتعيش طول عمرك متناقض والشيزوفرينيا هتفشخك وتبوظلك حياتك، أنت عايز تختار بس أنت مش هتختار، أنت مش بإيدك أساسا دي ميولك، متقدرش تقاوم ولا مطلوب منك تقاوم، فيا تعيش وتفكك وترتاح أو لف في النفس الدايرة وهتتفشخ وهتعيش حياة وسخة
وتناقضك ده لو أنت بتعمل كده خوف من عقاب دينك فأنت كدا مفلتش برضه يا أبو الذكاوة أنت هتضطر تشبع رغباتك عادي دي هرمونات يا صديقي تناقضك ده تحطه في مؤخرتك قدام هرموناتك، يعني اللي تصالح مع نفسه أنت مش أحسن منه قدام الدين أنت زيه بس هو مرتاح وعايش حياته وأنت بتتفشخ وبتتعب
المهم أنا لحسن حظي مخدتش وقت عشان أقتنع بكدا وارتحت بدري لعدة أسباب، أقولهم عشان لو حد بيتفشخ ممكن يستعين بيهم، أولا زي ما قولتكم مهربتش، واجهت الحقيقة كما هي، والمواجهة أوتوماتيك بتوديك لطرف الخيط، طبعا مش هترتاح علطول هتعاني حبة، بس عالأقل هتبدأ تفتح دماغك وتفهم وتتقبل حقيقتك
ثانيا مواقع التواصل مفيدة فشخ لو انت كده بس لو عرفت تستخدمها في الإتجاه ده، محيطي ومحيطك هما اللي فاشخينك أساسا دول مش هيساعدوك، لو قدرت تيجي هنا وتشوف أراء ناس كتير في كل حاجة عموما وتتناقش ده ينفعك فشخ، والأهم تدخل تتكلم مع ناس زيك عدت عليها المرحلة دي وتسمع كلامهم
ولو أنت برنس فشخ يعني ممكن تجيب مقالات وتقرا وتشوف وجهات نظر كتيرة وتحاول تجمع من كذا مكان وتشوف إزاي اللي زيك عايشين في بلاد تاني، هتحس بالبؤس إنك مش زيهم بس هتتقبل إنك مش شخص منبوذ في العالم كله زي ما مصر الجميلة حسستك وإنك زيك زي فئات كتير بتعاني في أماكن كتير في العالم
طبعا قابلتني حاجات كتير في السكة فهتمتني أكتر وتفاصيل صغيرة هتقابلك لو قررت تعمل كده، عموما بعد كدا هتلاقي نفسك جمعت من هنا ومن هنا وكونت قاعدة تبني عليها إنسان متقبل نفسه وفاهم هو عايز إيه ومتصالح مع غاياته
بعد ما تعدي المرحلة دي بقى وتتقبل فكرة إنك تكون مختلف ممكن تقابلك مطبات تاني، لو انت Bottom gay مثلا ممكن يبقى عندك حتة إحراج مصدره إنك عشت هنا ودماغك بيعمل فلاش باك لمواقف أنت ذات نفسك زمان ممكن تكون كنت بتسمى اللي كدا خول وبتستخدمه كشتيمة أو كمعايرة، ده طبيعي
بس بنفس المبدأ اللي تقبلت بيه إنك تكون gay هتتقبل إنك تكون Bottom gay عادي، لازم تفهم إنك لازم تعدي بالمراحل دي، ذكاوتك في إنك تعرف تعديها بسرعة بس لكن كدا كدا هتمر بيها، فأنت طالما تقبلت الإختلاف هتتقبل أي إختلاف جوه الإختلاف وهكذا يا صديقي وإلى هنا ننتهي
