Read on Twitter
طيب.. بما انكم رايقين وهاديين وشاكرين مهللين وكل سنة وانتم طيبين.. والدنيا هادية كده.. فنرمي طوبة بقى..
امبارح وأنا بقلب في التلفزيون حظي السيء وقعني في يرنامج مقالب شغال.. قلت وماله نسيبه خمسة نشوف.. كانوا جايبين سمية الخشاب والمقلب بتعمله فيفي عبده.. المقلب باختصار ايه بقى: قال فيفي بتعمل برنامجمن انتاجها ف بيتها وجايبة صاحباتها.. وهتعمل فيهم مقالب.. لحد كده ماشي..
وبعد شوية بتظهر هاوس كيبر من اللي شغالين عندها مش مصرية (عشان هيا ست كوريكتور طبعا).. وفجأة بتقع ع الأرض مرة وبتترمى ع الضيف مرة.. وبتمثل انها دخلت epileptic episode بس بطريقة fake جدا.. ما علينا من جودة التمثيل بس اتفرج ع اللي بتقوله فيفي واللي بيحصل بعدها بقا..
طبعا مع تمثيلها للتشنجات وهي بتترمى عليه الضيف (اللي معرفش متفقين معاه واللا لأ، بس مش هتفرق عموما) بيبتدي يبين استياؤه من المفروض انهامريضة صرع، استياء ممزوج بالقرف طبعا علر اعتبار انها سمرا وتخينة ومش من مستواه وايه القرف ده، قمة الوساخة اللي ممكن تتعمل في كوكتيل.. يا ربنا!
طبعا فيفي ست بنت بلد شعبية وكده والمفروض نقتنع او ابلوعها كده انها متفهمش في حوارات الصرع وكده(حسب سيناريو المقلب)، فبتقعد ترش ملح وتقول تعاويذ وتسب وتلعن في الخدامة واللي جابهالها الملبوسة الملعونة.. وتشترك مع صاخبتها الضيفة في شتم وتهزيق الضحية.. والمفروض ان ده هيجيب ضحك يعني
تخيل بقا يا مؤمن.. انه بعد وصلة القذارة دي فيفي قالت لسمية ان ده مقلب وان البنت مش ممسوسة ولا عندها صرع ولا حاحة.. وهههه كل سنة وانتم طيبين.. والله؟ بالبساطة دي؟!
طب هو بعيدا عن كل الإساءات المعنوية للخدامة.. هو المرض كمان بقى حاجة نهخيوخيو عليها؟!
طب هو بعيدا عن كل الإساءات المعنوية للخدامة.. هو المرض كمان بقى حاجة نهخيوخيو عليها؟!
تخيل لو مريض بالصرع شاف الحلقة دي(وهما مش قليلين ولو كان مريض واحد كان رأيي مش هيختلف) هيستقبل ده ازاي.. طب بتصدروا للناس ثقافة ايه؟ ان مريض الصرع ده منبوذ.. وان المرض- أي مرض- وصمة وسبة وهيجيبلك التريقة واللعن والنبذ مجتمعيا؟
طب بالنسبة للناس.. تخيل لو حصل ومريض في المترو مثلا او أي مكان عام جاله نوبة صرع، والناس اللي شافوا الزفت موجودين.. متخيلين هيتصرفوا ازاي؟! .. يعني بتدمروا المريض وبتبوظوا المجتمع الاتنين؟!
ويرجغ ويقولك رقابة.. ازاي الهباب اللي بيتقدم ده بيعدي كده.. واللا هيا الرقابة دي مبتشتغلش غير في الخيابة، واحدة لابسة فستان قصير واللا واحد جاب سيرة الأسياد؟! انما الرسايل القذرة دي االي بتلبد في اللاوعي وبتكمل تجهيل واساءة مفهاش مشكلة تتقدم عادي؟ دمر المجتمع كمان يا أستاذ دمر
انا مش هحط لينكات.. بس اللي عايز يشوف المسخرة دي يدور في شاهد على فيفي عبده ويشوف المهازل.. كمان من مسئوليتنا كمواطنين في حق اخواتنا في كل المكان والمجتمع ككل نطالب بمنع المسخرة دي.. عشان الأفكار الزبالة ووصم المرض والعنصرية مينفعش تبقى مثار ضحك.. وقفوا المسخرة دي
