كلنا بنحاول نرضي اللي حوالينا، كلنا بنحاول ن fit in بطريقة او التانية و كلنا بن seek our favourite people attention و دي مش حاجة وحشة بس مش صح انه يبقي هو دا اللي بيحركنا في حياتنا، عشان محدش هيفضل طول الوقت بقولك انت جميل انت حلو انت تقدر.. ولا حتي اهلك ولا اقرب أصحابك

أمي هي الوحيدة اللي بتعمل كدا، بس مش محظوظة ب والدي في الحتة دي.. بس انا عرفت اني عمري ما هبقي fully depending on my own validation بحاول اني اقول لنفسي اني شاطرة و كويسة وحلوة.. بس مش يصدقني بس عرفت أدرب نفسي اني اثق في كلام ماما و اقرب صديقة ليا و اروح لهم لما ابدأ اشك في نفسي

حاجة تانية مهمة اوي اوي اني بقيت شخص حنين علي اللي حواليا و في كل الظروف مش بحاول اسيب حد يشكك في قدراته ولا في شكله ولا في انه شاطر ولا لا.. كل ما يبقي عندي فرصة اقول لحد انت حلو بروح أقوله عشان انا عارفة احساس انك عايز حد يقولك كمل او انت فعلا كويس.. علي اد ما بقدر فعلا

انا مؤمنة اوي بإن مادام عانيت من حاجة و اقدر اختصر الطريق علي حد في المعاناة دي اختصر و مخليش شخص يعيش وجع انا عيشته.. علي اد ما بقدر